AZƏRBAYCANIN EMAL SƏNAYESİ MÜƏSSİSƏLƏRİNDƏ YARANAN RİSKLƏRİN RASİONAL İDARƏ EDİLMƏSİ METODLARI

Аннотация

Məqalədə ölkəmizdə fəaliyyət göstərən emal sənayesi müəssisələrinin istehsal-təsərrüfat fəaliyyətinin innovasiyalı inkişafına təsir edən risk amillərinin təsnifatı aparılır. Bu məqsədlə, məqalədə təsnifata daxil olan göstəricilərin tərkibi müəyyənləşdirilmiş və göstəricilər kompleksinin səmərəli idarə edilməsi üçün dünya təcrübəsində istifadə olunan rasional idarəetmə metodları işlənib hazırlanmışdır. Məqalədə sahədə yaranan risklərin qiymətləndirilməsi üzrə ekspert qiymətləndirmə metodundan istifadə edilmişdir. Bu məqalədə sənaye müəssisələrinin rəqabətədavamlı inkişafına təsir edən risk amilləri əsas, həlledici, əhəmiyyətli, az əhəmiyyətli, ümumilikdə dəyərləndirilmiş və müəssisədə yaranan risklərinin daha dəqiq qiymətləndirilməsi üçün metodika təklif edilmişdir. Bununla yanaşı, məqalədə risk amillər qrupunun ranq dərəcələrinə görə səmərəli idarə edilməsinin proqnoz modeli işlənmişdir. Risk dərəcəsinin azaldılması üçün sığortalamadan başqa, sahibkarlıq fəaliyyətinin təcrübəsində maliyyə xərclərinin limitləşdirilməsi, kapital qoyuluşlarının diversifikasiyası və müxtəlif fəaliyyət növlərinin genişləndirilməsi təhlil edilmişdir. Risklərin iqtisadi və hüquqi idarə edilməsi üzrə səmərəli sistemin yaradılması, qərarların informasiya-analitik təminatı və fəaliyyət prosesində riskin müvafiq səviyyədə saxlanılması üsullarından istifadə edilməsi təklif edilmişdir.