Laylarda qırılma xassələrinin müəyyən edilmə metodikası

Abstract

Məqalə neftli-qazlı horizontun tektonik quruluşunun öyrənilməsində qırılmaların xarakterinin (ekran və ya keçirici xassələr) öyrənilməsinə həsr edilmişdir. Qeyd edilir ki, bu problemin həllində riyazi üsulların kompleks istifadəsi adekvat nəticələr verə bilir. Qırılmaların keçirici və ya ekran xassələrinin işlənilmənin ilk mərhələlərində öyrənilməsi sahəvi trend və çoxölçülü diskriminant analizinin tətbiqi ilə aparılması qoyulan problemin həllində müsbət nəticələr vermişdir, belə ki, qırılmanın xarakterinin təyini yatağın işlənilmə prosesində onların dəyişməsini də aşkar etməyə imkan verir. Bu problemin həllində metodik yanaşma əsasında alqoritm təklif edilmişdir. Üsul Abşeron neftli-qazlı çoxlaylı yataqlarında geniş tətbiq edilmişdir. Məqalədə, üsulun tətbiqi Binəqədi yatağının Qırməkialtı lay dəstəsinin timsalında realizə olunmuşdur.