Distillə kalonunun avtomatik idarəetmə sisteminin sintezi məsələsinin həlli

Özet

Neft emalı və neft-kimya sənayesi xalq təsərrüfatının aparıcı sahələri hesab olunur. Bu qurğuların məqsədi xam neftdən yüksək keyfiyyət göstəricilərinə malik geniş çeşiddə neft məhsullarının istehsalını təmin etməkdən ibarətdir. Bu texnoloji qurğularda istehsal olunan müxtəlif neft məhsullarının keyfiyyət göstəricilərinə qoyulan tələblər daha müasir və mükəmməl idarəetmə sistemlərinin yaradılmasını tələb edir. Qeyd etmək lazımdır ki, hal-hazırda dövrün tələblərinə uyğun olaraq mürəkkəb neft emalı texnoloji kompleksləri üçün daha dinamik dəyişən xarici və daxili həyəcanlandırıcı təsirlərə adekvat reaksiya göstərə bilən yeni idarəetmə sistemlərinin yaradılması və inkişaf etdirilməsi idarəetmə nəzəriyyəsinin qarşısında duran əsas problemlərdən biridir. Buna görə də keyfiyyət baxımından idarəetmədə tələb olunan dəqiqliyi təmin edə bilən yeni avtomatlaşdırılmış idarəetmə sistemlərinin yaradılması aktualdır.