Hidrodinamik təzyiqin təsiri altında süxurların dağılması proseslərinin öyrənilməsi

Özet

Dağ-mədən sənayesində hidromexanizasiyadan istifadənin məqsədi süxur kütləsinin və bərk fazanın iri hissələrinin hidravlik daşınma şəraitinə uyğun ölçülərə qədər əzilməsini təmin etməkdir. Bu prosesdə su axınında kifayət qədər təzyiqin yaradılması tələb olunur. Buna görə də, tələb olunan təzyiq və su axınının sürəti əvvəlcədən müəyyən edilməlidir. Bu məqsədlə, parametrlərin təyin olunması üçün müxtəlif riyazi modellər təhlil edilmiş, müvafiq tədqiqat işləri öyrənilmiş və nəticələrdən ən real olanları seçilmişdir. Parametrlərin müəyyən edilməsi üçün praktiki hesablamalar aparılmış və nəticələr əsasında qrafiklər tərtib edilmişdir. Alınan nəticələr süxurun lazımi ölçüdə əzilməsi üçün tələb olunan təzyiq və axın sürətini müəyyən etməyə imkan verir.