Daşkəsən dəmir filiz yatağının Şimal-Şərq və Şimal-Qərb sahəsinin skarnlarında nadir elementlərin paylanması

Özet

Məqalədə Daşkəsən dəmir filizi yatağının Şimal-Şərq və Şimal-Qərb sahələrinin skarnlarında nadir elementlərin paylanmasına baxılıb. Adı çəkilən sahələrdən sınaq nümunələri götürülmüşdür. Aparılan tədqiqatlar nəticəsində müəyyən olunmuşdur ki, nadir elementlərdən Nb, La, Ce, Gd skarnlaşmış karbonatlarda, damarcıqlarda və ikinci dərəcəli dəyişilmiş minerallarda-diopsiddə, maqnetitdə, aktinolitdə, andraditdə yüksək miqdarda müşahidə olunur. Qeyd etmək lazımdır ki, kalsiumlu skarnlarda Nb və La-ın miqdarı uyğun olaraq 1258,3 və 2820 ppm təşkil edir. Lantanoidlərin yüksək miqdarı isə 5131 və 1478 ppm-dir. Daşkəsən dəmir filizi yatağının Şimal-Şərq və Şimal-Qərb sahəsindən götürülmüş sınaqların analiz nəticələri yatağın əmələgəlmə şəraitinin öyrənilməsinə əsas verir. Tədqiqat sahəsində alınan nəticələr proqnoz-axtarış amillərinin hazırlanmasında mühüm əhəmiyyətə malikdir. Tədqiq olunmuş filizlərin analiz cavabları cədvəllər vasitəsiylə məqalədə göstərilmişdir.