Sualtı texniki işlərin təminat gəmilərinin sistemli analizi və riyazi modeli

Özet

Sualtı texniki işlər - dalğıclar, həm də xüsusi sualtı avadanlıqlardan istifadə etməklə dəniz şelfində aparılan işlərin geniş spektrini əhatə edir. Verilən tapşırıqları səmərəli şəkildə yerinə yetirmək üçün sualtı avadanlıqların işini dəstəkləyə bilən xüsusi gəmilər tələb olunur. Sualtı texniki işləri yerinə yetirən gəmilərə sualtı texniki işləri təchizat gəmiləri, dalğıc gəmiləri, uzaqdan idarə olunan sualtı nəqliyyat vasitələrini daşıyan gəmilər / avtonom heyətsiz sualtı nəqliyyat vasitələri (UİSNV/ AHNV) və heyətli sualtı nəqliyyat vasitələrini (HSNV) daşıyan gəmilər daxildir. Sualtı texniki işlər üçün gəmilərin layihələndirilməsi metodologiyasını hazırlamaq üçün sualtı texniki işləri yerinə yetirən gəmilərin funksional imkanlarının modellərini sistemləşdirmək və təkmilləşdirmək lazımdır. Bu işdə sualtı texniki işləri təminat gəmilərdə aparat və komplekslərin istifadəsi, dalğıc komplekslərinin işləmə dərinlikləri, daşıyıcı gəmilərdə texniki vasitələrdən istifadənin struktur diaqramları tərtib edilmişdir. Sadalanan blok diaqramlardan istifadə edərək sualtı texniki işləri təminat gəmilərinin sistem modeli hazırlanmışdır.